Appelsiner, både skrelt og skvist!



Profesjonell fruktplukkar søkjar sumarjobb!



Sidan eg bur i Arizona, kor sola skin om kapp med eksosen til dei mange tusen bilane, så er det appelsiner å finna ute i hagen, Ja, det er berre til å ta seg ein tur bak i hagen, ta handa opp, og røska ned ei appelsin (og då kan ein kan få ei ekstra i hovudet).





På slutten av denne veka har eg vore veldig travel. Eg har vore på noko som heiter Arizona Association of Student Council, kor eg har høyrt mange motivasjonstala snakka. Denne konferansen var for elevar som var i ledarskapsklassen. Blandt anna var det ein som hadde praktisk tala blitt fødd med krykkjer i hendene sine. Dette var på grunn av mange problem med beina. Han var oppi 50-åra no, men han sprang no fram og tilbake med dei krykkene, og størst av alt, han hadde gått heile vegen frå San Fransisco til New York, på krykkjer! Eg var mildt sagt imponert og gav han eit godt handtrykk etter talen!

Sidan vertsfaren laga appelsinjuice forrige helg, tenkte eg at eg skulle gjera det samme denne helga. Det var overraskande lett gjort, så appelsinjuice blei det, og frisk appelsinjuice blir det til frukost søndag morgon. C-vitaminar skal det ikkje vera mangel på her! Neste helg trur eg det attpåtil blir ein lemonadedrikk i hus!

Stay fresh, eat fresh, be fresh, og by the way, gratulera med morsdagen til alle mødre der ute!

Kva synest DU om den nye designen?