Høstferie!

Lukke, eg har fått høstferie, noko så fantastisk! Slutten av veka var ganske så travel, kor eg hadde testar for det første semesteret. Eg enda opp med 78% på historietesten, 94% på Honor Biology-testen og 95% på matten, så det var ikkje så hoppande gale.

På onsdagen hadde eg eit løp kor eg nok ein gang enda på 2. plass bak min eigen lagkamerat frå Mexico (han med masse hår). Fant fort ut at han var frå Mexico når han tok med seg ein ryggsekk han fant på vegen medan me trente ein dag og brukte den som skulesekk dagen etter!

Laurdagen var det eit stort møte, og eg måtte opp klokka 05:00, noko som var passe irriterandes. Heldigvis er det berre to veker att med springing! Løypa med sprang var utruleg tung, med mange bakkar. Eg låg lenge på ein fjerdeplass, men syra tok meg på slutten, men eg kjempa meg til ein 7. plass, noko som var greitt nok med hensyn til alle gnagsåra eg spring med. Personleg fekk eg ein medalje, medan laget vårt seira og med mottok ein STOR POKAL. Ganske så stas!

Før me spring stat 5. november, så skal me ta håret, alle mann, noko eg ikkje har gjort sidan eg var 7-8 år, så gler meg til å sjå ut som ein tintinsoldat! =)